मधेश प्रदेशमा नेपाली कांग्रेस संसदीय दलका नेता कृष्णप्रसाद यादवलाई प्रदेश प्रमुख डा. सुरेन्द्र लाभ कर्णले मुख्यमन्त्रीमा नियुक्त गर्नुभएको छ।
यादवले ७७ सांसदको समर्थनपत्रसहित मुख्यमन्त्री दाबी पेश गर्नुभएको थियो। आज बसेको छ दलको बैठकमा कांग्रेसलाई मुख्यमन्त्री दिने सहमति जुटेपछि उहाँको नियुक्ति सम्भव भएको हो।
यादवका लागि नेकपा (माओवादी केन्द्र), नेकपा (एकीकृत समाजवादी), जसपा नेपाल, लोसपा र जनमत पार्टीले समर्थन जनाएका छन्। यसअघि सरोजकुमार यादवले विश्वासको मत पाउन नसकेपछि मुख्यमन्त्रीबाट राजीनामा दिनुभएको थियो।
