वीरगन्ज,०३ असार : वीरगन्ज उद्योग वाणिज्य संघ र यहाक उद्योगीहरुले औद्योगिक कोरिडोरमा अहिले विद्यमान विद्युती आपुर्तिको समस्या तत्काm समाधान गर्न नेपाल विद्युत प्राधिकरणसंग आग्रह गरेका छन् ।
शुक्रबार विद्युत प्राधिकरणका कार्यकारी निर्देशक कुलमान घिसिङ र वीरगन्ज वितरण केन्द्रका प्रमुख जितेन्द्र झालाइ छुटटा छुटटै पत्र पठाउदै संघ र उद्योगीहरुले विद्युत आपुर्तिमा भइरहेको समस्या तत्कालै सामधान गर्न आग्रह गरेका हुन् ।
बारा–पर्सा आद्योगिक कोरीडोरमा साना ठुला गरि करिब २ हजार २ सय उद्योग सन्चालनमा रहेका छन् । औद्योगिक कोरीडोरका प्रायः उद्योगहरुमा ६६ केभिएको फिडर र परवारनीपुरमा रहेको हिमाल फिडरबाट विद्युतको आपूर्ति हुने गरेको छ । तर विगत २ महिना देखि उक्त फिडरहरुबाट हुने.गरेको विद्युत आपूर्तिमा गुणस्तरीयताको कमि देखिएको उद्योगीहरुको भनाइ छ ।
दिनहु ८/१० पटकसम्म ट्रीपिङ्ग र ४/५ पटकसम्म अघोषित लोडसेडिङ भइरहेका कारण उत्पादनमा असर पर्नुका साथै उपकरणहरुमा पनि क्षति भइरहेको भन्दै संघ र उद्योगीहरुले यसले उद्योग नै सन्चालन गर्न समस्या भइरहेको बताएका छन् ।
विद्युत आपुर्तिमा भइरहेको समस्या समाधानका लागि विद्युत प्राधिकरणको वीरगन्ज वितरण केन्द्रलाइ पटक पटक ध्यानाकर्षण गराउदा पनि कुनै सुनुवाइ नभएको उनिहरुको गुनासो छ । यसले विद्युत प्राधिकरण प्रति उद्यमी व्यवसायीको नकारत्मक सोच सृजना भइरहेको पनि उनिहरुले बताएका छन् ।
त्यस कारण बारा–पर्सा औद्योगिक कोरीडोरमा रहेका विद्युत आुर्तिमा भइरहेको समस्या यथाशिघ्र सामधान गरिदिन आग्रह उनिहरुले गरेका छन् ।
विद्युत प्राधिकरणका कार्यकारी निर्देशक घिसिङ र वीरगन्ज वितरण केन्द्रका प्रमुख झालाइ संघका वरिष्ठ उपाध्यक्ष अनिल कुमार अग्रवालले शुक्रबार इमेल मार्फत पत्र पठाएको संघका उपाध्यक्ष माधव राजपालले जानकारी दिए ।
