वीरगञ्ज । पर्सा जिल्लाको ठोरी गाउँपालिका–४, विशालचोकस्थित एक घरबाट प्रहरीले प्रतिवन्धित लागु औषध गाँजा सहित एक जनालाई पक्राउ गरेको छ।
ईलाका प्रहरी कार्यालय ठोरीले सुरेश श्रेष्ठको घरमा छापा मार्दा लुकाइ राखिएको ५५ केजी गाँजा फेला पारी बरामद गरिएको हो। पक्राउ परेका श्रेष्ठलाई लागु औषध सम्बन्धी कसुरमा पर्सा जिल्ला अदालतबाट १० दिन म्याद थप गरी अनुसन्धान अघि बढाइएको प्रहरीले जनाएको छ।
जिल्ला प्रहरी कार्यालय पर्साका सूचना अधिकारी, प्रहरी नायब उपरीक्षक हरि बहादुर बस्नेतले पत्रकार सम्मेलनमार्फत बरामद गाँजा र पक्राउ गरिएको व्यक्तिको विवरण सार्वजनिक गर्दै थप अनुसन्धान भइरहेको जानकारी दिएका छन्।
प्रहरीका अनुसार उक्त छापामारी स्थानीयवासीको सूचनाका आधारमा गरिएको थियो र अनुसन्धान कार्य जारी रहेको छ।
