बीरगंज । पर्सा प्रहरीले पर्साको पकहामैनपुर गाउँपालिकाको वडा नं १ धोरेमा लगाईएको अबैध गाँजा खेती फडानी तथा नष्ट गरेको छ।
इलाका प्रहरी कार्यालय पोखरीयाका प्रहरी बरिष्ठ नायब निरीक्षक धर्मेन्द्र कुमार सिंह नेतृत्वमा गएको टोलीले पकहामैनपुर गाउँपालिका वडा १ धोरेमा ३ कठ्ठाको क्षेत्रफलमा लगाइएको भान्टा बारी एवं कोभि बारीमा लुकाई छिपाई लगाइएको गाँजा खेती आज नष्ट गरेको छ ।
पकहामैनपुर गाउँपालिका वडा नं १ मा नेपाली कांग्रेस पार्टीबाट निर्वाचित वडा सदस्य राजदेव यादवको खेतमा अवैध लागु औषध गाँजा लगाईएको सूचना पाए पछि प्रहरी वरिष्ठ नायब निरीक्षक सिंहको नेतृत्वमा गएको प्रहरी टोलीले उक्त गाँजा फडानी गरि नष्ट गरेको प्रहरीले जनाएको छ ।
