काठमाडौं । केपी शर्मा ओली लाई स्वास्थ्य परीक्षणका लागि त्रिवि शिक्षण अस्पताल लगिएको छ। उनलाई अस्पतालको ‘रेड एरिया’को २७ नम्बर बेडमा राखिएको छ, जहाँ विशेष र जटिल प्रकारका बिरामीहरूको हेरचाह गरिन्छ।
ओली मिर्गौला प्रत्यारोपणका बिरामी भएकाले मिर्गौला विशेषज्ञले स्वास्थ्य परीक्षण गर्ने तयारीमा छन्। परीक्षणपछि चिकित्सकको सुझाव अनुसार आवश्यक प्रक्रिया अघि बढाइने स्रोतले बताएको छ।
जेनजी आन्दोलन दमन गरेको आरोपमा फौजदारी कारबाही सिफारिसपछि आज बिहान उनलाई प्रहरीले गुण्डु निवासबाट पक्राउ गरेको थियो। पक्राउपछि घटनाबारे छलफल गर्न नेकपा एमाले ले सचिवालय बैठक बोलाएको छ।
