वीरगंज-आफुलाई अख्तियारको प्रहरी निरीक्षक बताउने दुईजना नक्कली प्रहरीलाई प्रहरीले पक्राउ गरेको छ । पक्राउ पर्नेमा महोत्तरीका जलेश्वर नगरपालिका वडा नम्बर १२ बस्ने ३० बर्षीय रबि ठाकुर , लोहारपट्टी नगरपालिका वडा नम्बर ६ बस्ने २९ बर्षीय प्रभास झा र २८ बर्षिय हामित राईन रहेको सशस्त्र प्रहरीले जनाएको छ । सशस्त्र प्रहरी बल बोर्डर आउट पोस्ट जलेश्वरबाट सशस्त्र प्रहरी निरीक्षक बिर्खबहादुए शाहीको कमाण्डमा प्रहरी चौकी नैन्हीबाट प्रहरी साहयक निरीक्षक नारायण यादवसहितका खटिएको प्रहरीको टोलीले तिनै जनालाई पक्राउ गरेको छ ।
सशस्त्र प्रहरी निरीक्षक शाहीका अनुसार पक्राउ परेका रबी ठाकुरले आफु अख्तियारको प्रहरी निरीक्षक रहेको बताउदै सिमावर्ती ईलाकामा धाकधम्की देखाएर अबैद्ध पैसा असुल्ने गरेका थिए । त्यही क्रममा बिहिबार धाकधमकी देखाएर ५ हजार ८ सय भारतीय र नेपालि १० रुपैया लिएको भन्दै स्थानीयले हिजो बिहिबार सशस्त्र प्रहरीलाई खबर गरेका थिए । खबर पाए पश्चात सस्शस्त्र प्रहरी निरीक्षक साहिको कमाण्डमा गएको प्रहरीको टोलीले ठाकुरलाई रङ्गे हात पक्राउ गरेको थियो ।
पक्राउ परेका रबि ठाकुरलाई प्रहरी चौकी नैन्हीमा लगेर सोधपूछ गर्दा अन्य दुईजना २९ बर्षीय प्रभास झा र २८ बर्षिय हामित राईन उनको वयानको आधारमा पक्राउ गरिएको सशस्त्र प्रहरी निरीक्षक शाहीले जानकारी गराउनुभयो ।
पक्राउ परेका तिनै जनालाई आवश्यक कारवाहीका लागी जिल्ला प्रहरी कार्यालय महोत्तरीमा बुझाईएको सशस्त्र प्रहरी निरीक्षक बिर्खबहादुर शाहीले बताउनुभयो ।
