वीरगञ्ज, १२ साउन । पर्साको सखुवाप्रसौनीमा सडकको शिलान्यास गरिएको छ । मधेश प्रदेश सरकारको भौतिक पूर्वाधार मन्त्रालय तथा यातायात पूर्वाधार निर्देशनालयको निर्देशनमा पूर्वाधार विकास कार्यालय पर्साले निर्माण गर्ने सडकको बिहिवार शिलान्यास गरिएको हो ।
सखुवाप्रासौनी गाउँपालिका वडा नम्बर २ गुलवरिया चौकदेखि पटेर्वा सुगौली गाउँपालिका वडा नम्बर १ सोनवर्षासम्म निर्माण हुने सडकको पर्सा क्षेत्र नम्बर ३ का निलम्बीत प्रतिनिधि सभा सदस्य हरिनारायण रौनियार र मधेश प्रदेशका प्रदेश सभा सदस्य अब्दुल रहिम (मञ्जुर) अन्सारीले संयुक्त रुपमा शिलान्यास गरेका हुन् ।
सो सडकखण्ड निर्माण भएसँगै त्यस आसपासका स्थानीयसँगै अन्य नागरिकलाई पनि आवतजावतमा सहज हुने बिश्वास गरिएको छ ।
सडक शिलान्यास कार्यक्रममा जनता समाजवादी पार्टी (जसपा) मधेश प्रदेश समिती सदस्य गौरीशंकर साह, सखुवाप्रसौनी गाउँपालिकाकी उपाध्यक्ष शर्मिला विष्ट, निवर्तमान अध्यक्ष प्रदिप जैसवाल, सलिम मियाँ लगायतको उपस्थिती रहेको थियो ।
