सर्लाही निर्वाचन क्षेत्र नम्बर २ बाट नेकपा माओवादी केन्द्रका महेन्द्र राय यादव निर्वाचित भएका छन् ।
आफ्ना निकटम प्रतिद्वन्द्वी लोकतान्त्रिक समाजवादी पार्टीका राजेन्द्र महतोलाई पराजित गर्दै यादव निर्वाचित भएका हुन् ।
यादवले महतोलाई २ हजार ११ मतको अन्तरले पराजित गरेका छन् ।
निर्वाचन आयोगले सार्वजनिक गरेको मतगणनाको अन्तिम परिणाम अनुसार यादवले २३ हजार ५ सय २९ मत प्राप्त गर्दा महतोले २१ हजार ५ सय १८ मत पाएका छन् ।
यस्तै नेकपा एमालेका राज नारायण साहले १४ हजार ८ सय १९ मत पाएका छन् । जनमत पार्टीका नरेश कुशवाहाले ६ हजार ५ सय ५४ मत पाएका छन् ।
