वीरगंज । पश्चिमी वायुको प्रभावका कारण मुलुक भरको मौसम पछिल्लो समय चिसो हुदै गएको छ । जल तथा मौसम विज्ञान विभागका अनुसार आज पहाडी भूभागमा आंशिक बदली रहने छ ।
तराईका केहि स्थानमा विहानैदेखि हुस्सु र कुहिरो लागेको छ । दिउँसो, पहाडी भूभागमा आंशिक बदली रहनेछ । गण्डकीको उच्च पहाडी तथा हिमाली भूभागमा हिमपातको सम्भावना रहेको विभागले जनाएको छ ।तराईमा लागेको हुस्सु र कुहिरो मध्यान्हपछि भने क्रमिक रूपमा खुल्दै जानेछ ।
जसको प्रभावले तराईको जनजीवन, सडक तथा हवाई यातायातसमेत प्रभावित हुन सक्ने भएकाले सतर्कता अपनाउन विभागले अनुरोध गरेको छ । काठमाडौं उपत्यकाको विहान ६ बजेको तापक्रम ७ डिग्री सेल्सियस मापन गरिएको छ । उपत्यकाको अधिकतम तापक्रम १८ डिग्रीसम्म पुग्ने अनुमान छ ।
