वीरगञ्ज । नेकपा एमाले निकटका पत्रकारहरूको सङ्गठन प्रेस चौतारी नेपाल पर्साको अध्यक्षमा तुलसी भण्डारी (विजय) सर्वसम्मत चयन भएका छन् ।
वीरगञ्जमा शुक्रवार सम्पन्न प्रेस चौतारी पर्सा शाखाको विशेष अधिवेशनले भण्डारीको अध्यक्षतामा २९ सदस्यीय जिल्ला कार्यसमिति सर्वसम्मत चयन गरेको हो । अध्यक्षमा चयन भएका भण्डारी राजधानी दैनिकमा कार्यरत छन् ।
यसै गरी अधिवेशनबाट प्रेस चौतारी पर्साको उपाध्यक्षमा राजेन्द्र सिंह, उपाध्यक्ष (महिला) मा निलम पन्त, सचिवमा राजेश कुमार साह र कोषाध्यक्षमा सन्तोष पटेल पनि सर्वसम्मत चयन भएका छन् ।
यसै गरी सदस्यमा राजन रौनियार, राजन बानियाँ, रञ्जन सिंह, राजु साह, पन्नालाल साह लगायत चयन भएका छन् ।
