पर्साको बहुदरमाई नगरपालिकामा रहेको मधेश विश्व विद्यालयको जग्गाको प्राविधिक टोलीद्वारा अनुगमन गरिएको छ ।
पूर्व मिस नेपाल तथा इन्जिनियर शृंखला खतिवडा सहितको प्राविधिक टोलीद्वारा बुधबार बहुदरमाई नगरपालिका वडा नं. २ पिपरा स्थित रहेको मधेश विश्व विद्यालयको जग्गाको स्थलगत अनुगमन गरिएको हो । अनुगमनका क्रममा आधुनिक बिस्तृत परियोजना प्रतिवेदन (डि.पि.आर) को नाप नक्सा गर्ने काम बारे आवश्यक छलफल भएको छ ।
अनुगमनमा मधेश विश्व विद्यालयका उप कुलपति डा. दीपक शाक्य, रजिष्टार बिजय यादव, प्रोफेसरद्वय डा. कयूम सर, प्रमोद कुसुवाहा, एमाले नेता शिव पटेल, उप सचिव कमल गौतम, माओवादीका युवा नेता प्रभाकर गुप्ता लगायतको उपस्तिथि रहेको थियो ।
