वीरगञ्ज । जाजरकोटमा गएको विनाशकारी भूकम्प प्रभावित क्षेत्रका पीडितहरूको राहतका लागि नेपाल विद्यार्थी सङ्घ पर्साले ५२ हजार ७ सय रुपैयाँको आर्थिक सहयोग गरेको छ ।
वीरगञ्जका विभिन्न सङ्घ संस्था र व्यक्तिहरूबाट चन्दा सङ्कलन गरेर भूकम्प पीडितहरूका लागि आर्थिक सहयोग गरिएको नेविसङ्घ पर्साका सभापति रमेश यादवले बताए ।
विभिन्न सङ्घसंस्था र व्यक्तिका साथै नेवि सङ्घका सदस्यबाट समेत गरी ५२ हजार ७ सय रुपैयाँ भूकम्प पीडित राहत कोषको खातामा जम्मा गरिएको यादवले जानकारी गराए ।
यादवका अनुसार आन्तरिक राजश्व कार्यालय वीरगञ्जले १० हजार, नारायणी अस्पतालका निमित्त मेसु डा. चित्तरञ्जन साहले १० हजार, क्वेष्ट फर्मास्युटिकल्सले ७ हजार ५ सय, वीरगञ्ज – १ का वडाध्यक्ष मनोज राउत कुर्मीले ५ हजार १ सय, नारायणी अस्पतालका डाक्टर नीरज सिंहले ५ हजार, काङ्ग्रेसका युवा नेता राकेश यादवले २ हजार ५ सय र जिराभवानी गाउँपालिकाका कार्यपालिका सदस्य सरोज चौरसियाले १ हजार ५ सय गरी १८ जनाबाट कुल ५२ हजार ७ सय रुपैयाँ सङ्कलन गरी शुक्रवार कोषको खातामा जम्मा गरिएको यादवले जानकारी दिए ।
