बीरगंज । पर्सा प्रहरीले गाँजा खेती र घरेलु मदिरा नष्ट गरेको छ।
जिल्ला प्रहरी कार्यालय पर्साको मातहत रहेको ईलाका प्रहरी कार्यालय पटेर्वा सुगौलीले ७ ठाऊमा लगाएको १८ सय गाँजाको बोट र ५० लिटर घरेलु मदिरा नष्ट गरेको हो।ईलाका प्रहरी कार्यालय पटेर्वा सुगौलीका प्रमुख एवम प्रहरी निरीक्षक राजाराम केशरीको कमान्डमा खटिएको प्रहरी टोलीले जिराभवानी गाऊपालिका वडा नम्बर २ सेढवा र ३ जितपुरमा लगाएको अवैध गाँजाको बोटहरु नष्ट गरेको जिल्ला प्रहरी कार्यालय पर्साका सूचना अधिकारी एवम प्रहरी नायव उपरीक्षक कुमार बिक्रम थापाले बताए।
