वीरगञ्ज । बारामा १२ वर्षीय एक बालिकालाई बलात्कार गरेको आरोपमा प्रहरीले एक युवकलाई पक्राउ गरेको छ ।
जिल्लाको महागढीमाई नगरपालिका – २ का ३० वर्षीय अकाश मण्डललाई प्रहरीले शनिवार पक्राउ गरेको हो ।
पीडित बालिकाका अभिभावकले दिएको किटानी जाहेरीका आधारमा मण्डललाई शनिवार पक्राउ गरिएको बाराका प्रहरी उपरीक्षक (एसपी) सुरेश काफ्लेले बताए । पीडित बालिकाको शनिवार नै कलैयास्थित प्रादेशिक अस्पतालमा स्वास्थ्य परीक्षण गराइएको जानकारी उनले जानकारी पनि दिए ।
पक्राउ परेका मण्डललाई जिल्ला प्रहरी कार्यालयको हिरासतमा राखेर अनुसन्धान अगाडि बढाइएको एसपी काफ्लेले बताए ।
एसपी काफ्लेका अनुसार प्रहरीमा परेको उजुरीमा मण्डलले बालिकालाई विभिन्न प्रलोभनमा पारेर पटक जबरजस्ती करणी गरेका उल्लेख छ ।
