Aadarsh-Daily

वीरगन्जको कोनियाँ नाकाबाट भारत तस्करी गर्न लागिएको एक गाडी रक्सी बरामद

ad-4p

वीरगन्ज । नेपालबाट भारत तस्करी गर्न लागिएको शीलबन्दी मदिरा ठूलो परिमाणमा सशस्त्र प्रहरीले वीरगन्जबाट बरामद गरेको छ ।

content ad p2

आइतबार राति टाटासुमो गाडीमा लोड गरेर भारत तस्करी गर्न लागिएको ९६ कार्टुन शीलबन्दी मदिरा भारतसंग जोडिएको वीरगन्ज महानगरपालिका वडा नम्बर १७ कोनियाबाट सशस्त्र प्रहरीले बरामद गरेको हो ।सीमा सुरक्षा गुल्म अलौंबाट खटिएको सशस्त्र प्रहरीको टोलीले शनिबार मध्यरातमा बीआर १० जे ८२०१ नम्बरको टाटासुमो गाडी नाकामा रोकेर चेकजाँच गरेको थियो ।

content left

त्यसक्रममा उक्त गाडीबाट कस्तूरी ब्राण्डको ९६ कार्टुन शिलबन्दी मदिरा बरामद भएको पर्साका सशस्त्र प्रहरी उपरक्षिक किशन कर्मचार्यले जानकारी दिए । मदिरासहितको उक्त गाडीपनि नियन्त्रणमा लिएको उनले बताए । बरामद गरिएको मदिराको बजार मूल्य १ लाख ३३ हजार ५०० रुपैयाँ मुल्यांकन गरिएको जानकारी उनले दिए ।

सशस्त्र प्रहरीले गाडी रोक्ने बित्तिक्कै त्यसका चालक मदिरासहितको गाडी छाडेर फरार भएकाले उनलाई भने पक्राउ गर्न नसकिएको कर्मचार्यले बताए । बरामद गरिएका मदिरा र गाडी आवश्यक कारबाहीका लागि आइतबार वीरगन्ज भन्सार कार्यालयमा बुझाइएको जानकारी उनले दिए ।

भारतको बिहार प्रान्तमा करिब एक दशक यता देखि मदिराको उत्पादन, ओसारपसार, बिक्रिवितरण र सेवनमा प्रतिबन्ध लगाइएको छ । जसका कारण पर्सा, बारा लगायत मधेसका जिल्लाका नाका हुदैंं नेपालबाट बिहारमा मदिराको तस्करी हुदैं आएको छ ।

सम्बन्धित खबर

पोखरिया नगरपालिकामा तलबको सकस, महिनौँदेखि कर्मचारीको हात रित्तै

Aadarsh Daily

चक्रवातको प्रभावले भारी वर्षाको सम्भावना, पर्सामा उच्च सतर्कता अपनाउन प्रशासनको आग्रह

Aadarsh Daily

एनपीएलमा लुम्बिनीको धमाका, सुदूरपश्चिम ७ विकेटले पराजित

Aadarsh Daily