वीरगञ्ज । नेपाल पत्रकार महासंघ मधेश प्रदेशका महासचिव श्याम बन्जरा सवार सवारी साधन दुर्घटनामा परेको छ ।
बाराको सिमराबाट वीरगञ्जतर्फ आउँदै गरेको महासचिव बन्जरा सवारर प्र.२–०१–०२४ छ १८६५ नम्बरको कारलाई विपरित दिशाबाट जाँदै गरेको मालबाहक ट्रकले ठक्कर दिँदा सवारी दुर्घटनामा परेको हो ।
बाराको जितपुरस्थित यामाहा शोरुम अघि ट्रकले ठक्कर दिँदा बन्जरा र उनकी पत्नी सुभद्रा बन्जरा घाइते भएका छन् । उनीहरु दुवै जनाको अहिले वीरगञ्ज हेल्थ केयरमा उपचार भइरहेको छ ।
अवस्था सामान्य भएको उपचारमा संलग्न वीरगञ्ज हेल्थ केयरका सञ्चालक डा. अबुल हैस अन्सारीले जानकारी दिए । दुवै जनाको अवस्था सामान्य भएपनि कार भने पूर्ण रुपमा क्षती ग्रस्त भएको छ । ट्रक र चालकलाई प्रहरीले नियन्त्रणमा लिएको छ ।
