वीरगञ्ज । सशस्त्र प्रहरी पर्सा बल पर्साले लागु औषध चरेशसहित एकजना भारतीय नागरिकलाई पक्राउ गरेको छ । पर्साको पोखरीया नगरपालिकाबाट १२ किलोग्राम लागु औषध चरेशसहित एकजनालाई पक्राउ गरेको सशस्त्र प्रहरीले जनाएको छ ।
नेपालबाट भारततर्फ जाँदै गरेको अवस्थामा पोखरीयाको बनकटवाबाट १२ केजी चरेशसहित भारतीय नागरिकलाई पक्राउ गरेको हो । विशेष सुचनाको आधारमा जाँच गर्दा मोटरसाइकलको सिटमुनि लुकाइछिपाई लैजादै गरेको अवस्थामा उक्त परिमाणको चरेश बरामद भएको सशस्त्र प्रहरी पर्साका प्रमुख राधेश्याम धिमालले बताए ।
यसैगरी सशस्त्र प्रहरी बलले ४ केजी लागुऔषध गाँजासहित दु्ईजना भारतीय नागरिकलाई पक्राउ गरेको छ । जगरनाथपुर गाउँपालिकाको दसौताबाट ४ किलोग्राम लागु औषध गाँजासहित दुईजना भारतीयलाई प्रहरीले पक्राउ गरेको हो ।
सशस्त्र प्रहरीले उनीहरुको साथबाट बीआर २२ बीजे ३८९५ नम्बर मोटरसाइकलसमेत बरामद गरेको छ ।
