बाख्राका मासुमा खसीको अण्डकोष टाँसेर विक्री गर्दै गरेको वीरगंज – १३ बस्ने ४१ बर्षीय हारुन मियाँ अन्सारी पक्राउ परेका छन । उपभोक्ताहरुको गुनासो पछी सर्च अभियानमा खटिएको वडा प्रहरी कार्यालय श्रीपुरका प्रहरी टोलीले बाख्राका मासुमा खसीको अण्डकोष टाँसेर विक्री गर्दैका मियाँलाई आसमिन फ्रेस हाउसबाट पक्राउ गरेको हो ।
प्रहरीले हारुन मियाँ अन्सारीसहित १५ किलोग्राम टाँसिएको मासु पनि नियन्त्रणमा लिएको जनाएको छ ।
मासुको कालो बजारी गरिरहेको आरोपमा अन्सारीविरुद्ध जिल्लाका प्रशासन कार्यालय पर्साबाट म्याद थप अनुमति लिई अनुसन्धान सुरु भएको प्रहरी प्रहरीले जनाएको छ ।
