यहि बैशाख ११ गतेदेखि सुरु हुनलागेको कक्षा १२ को परिक्षालाई मध्यनजर गरी वीरगंजका ओमप्रकाश पटेल अविरल सरले नि:शुल्क तयारी कक्षा सञ्चालन गर्न लाग्नुभएको छ ।
उहाँले चैत्र १२ गतेदेखि एक महिनासम्मको लागी कक्षा १२ का नेपाली बिषयको नि:शुल्क अनलाइन तयारी कक्षा सञ्चालन गर्न लागेको बताउनुभएको हो ।
एक महिनासम्म साँझको ५ बजेदेखि ५:४५ बजेसम्म जूम मार्फत एक महिना नेपाली बिषयको अनलाईन निशुल्क तयारी कक्षा गराउने रेडियो सान्भीलाई जानकारी गराउनुभयो ।
उहाँले पोहर साल पनि एसईई परिक्षालाई मध्यनजर गरी कक्षा १० को समेत निशुल्क तयारी कक्षा सञ्चालन गर्नुभएको थियो । तर यसबर्ष प्राविधिक कारणले सञ्चालन गर्न नसकेको बताउनुभयो ।
उहाँले सञ्चालन गर्नु हुने निशुल्क तयारी कक्षाबाट खास गरी आर्थिक अवस्था कमजोर भएको तर पनि पढ्न चाहने जेहनदार , गरिब , दलित र बिपन्न बर्गका विद्यार्थी बढी लाभान्वित हुने गरेका हुन्छन् ।
