जनमत पार्टी र नागरिक उन्मुक्ति पार्टी (नाउपा) बीच आज पार्टी एकताको घोषणा हुँदैछ । नेपाल प्रज्ञा प्रतिष्ठान, कमलादी काठमाण्डौमा दुई पार्टीबीच एकताको घोषणा गर्न लागिएको हो ।
जनमत र नागरिक उन्मुक्ति पार्टी एकीकरणपछि पार्टीको नाम ‘नागरिक जनमत पार्टी’ रहनेछ । पार्टीको संरक्षकमा उन्मुक्ति पार्टीका रेशम चौधरी, जनमतका सीके राउत अध्यक्ष र नागरिक उन्मुक्तिकी रञ्जिता श्रेष्ठ सहअध्यक्ष रहने गरी यसअघि सहमति भएको थियो ।
एकतापछिको नयाँ पार्टीको चुनाव चिह्न ढकिया हुनेछ । २०७७ सालमा सिके राउतको नेतृत्वमा जनमत पार्टी र २०७८ पुस १९ गते नागरिक उन्मुक्ति पार्टी गठन भएका थिए ।
अहिले संसद्मा जनमतका ६ जना र नागरिक उन्मुक्ति पार्टीका ४ जना सांसद रहेका छन् ।
