सिरहा प्रहरीले प्रतिबन्धित लागुपदार्थ ब्राउनसुगर र करिब ३ लाख रकमसहित दुई युवकलाई पक्राउ गरेको छ ।
शुक्रबार लहान नगरपालिका ११ पडरियाबाटस्थानीय २८ वर्षिय मिथिलेश कुमार चौधरी र २४ वर्षिय राज नन्दन चौधरीलाई एक सय १८ ग्राम ६१ मिलिग्राम ब्राउनसुगरसहित प्रहरीले नियन्त्रणमा लिएको हो ।
मिथिलेशको साथबाट एक सय नौ ग्राम ब्राउनसुगर, सात हजार तीन सय १० रुपैयाँ नगद र घरमा रहेको काठको दराजबाट नेपाली दुई लाख ७५ हजार तीन सय र भारु एक हजार दुई सय ५० रुपैयाँ, सुनजस्तो पहेको धातुको तिलहरी र नेकलेश एक एक थान बरामद गरेको जिल्ला प्रहरी कार्यालय सिरहाका सूचना अधिकारी डीएसपी वीरेन्द्र कुमार पासवानले जानकारी दिए ।
त्यसैगरी राजनन्दनको साथबाट ९ ग्राम ६१ मिली ग्राम ब्राउनसुगर, नगद दुई हजार एक सय, मोवाईल एकथानसहित लागुऔषध बरामद गरेको उनले बताए ।
Shivam Cement
विशेष सूचनाको आधारमा उनीहरूलाई नियन्त्रणमा लिएको प्रहरीको भनाइ छ । पक्राउ परेकाहरूलाई आजै जिल्ला अदालत सिरहाबाट अनुसन्धानको लागि ५ दिनको म्याद थप गरिएको छ ।\
