पर्सा जिल्लाको पटेर्वा सुगौलीस्थित इलाका प्रहरी कार्यालयमा आज वृक्षारोपण कार्यक्रम सम्पन्न भएको छ। वातावरण संरक्षण तथा हरियाली प्रवर्द्धन गर्ने उद्देश्यले आयोजना गरिएको कार्यक्रममा विभिन्न प्रजातिका बोटबिरुवा रोपिएको हो।
कार्यालय प्रमुख प्रहरी निरीक्षक प्रकाश थापाको नेतृत्वमा सम्पन्न उक्त कार्यक्रममा कार्यालय परिसरभित्र वृक्षारोपण गरिएको थियो। कार्यक्रममा प्रहरी कार्यालयमा कार्यरत कर्मचारीहरूको सक्रिय सहभागिता रहेको थियो।
प्रहरी निरीक्षक थापाले यस्ता कार्यक्रमहरूले वातावरणीय सन्तुलन कायम राख्न सहयोग पुर्याउने बताए। सहभागीहरूले पनि यस्ता सकारात्मक कार्यलाई निरन्तरता दिने प्रतिबद्धता जनाएका छन्।
