बाराबाट प्रहरीले करिब १४ हजार रुपैयाँ बराबरको अबैध डेरी मिल्क चकलेट नियन्त्रणमा लिएको छ।
जिल्ला प्रहरी कार्यालय बाराले २०८२ साउन ११ गते बिहान ८:४५ बजे खास सूचनाका आधारमा खटिएको टोलीले कलैया उपमहानगरपालिका वडा नं. ९ भन्सार चौकस्थित बाटोमा चेकजाँचका क्रममा काठमाडौंतर्फ जाँदै गरेको हाईस गाडी (खाली) बाट उक्त सामग्री फेला पारेको हो।
जिल्ला प्रहरी कार्यालय बाराका निमित्त प्रवक्ता तथा प्रहरी निरीक्षक खेमप्रसाद नेपालका अनुसार, बिना बिल र भन्सार प्रक्रिया चोरीपसल लैजाँदै गरेको अवस्थामा १४ हजार ८० रुपैयाँ बराबरको डेरी मिल्कका १०९ प्याकेट बरामद गरिएका हुन्।
बरामद सामग्री आवश्यक कारबाहीका लागि सम्बन्धित निकायमा बुझाइएको प्रहरीले जनाएको छ।
प्रहरीले अबैध रूपमा भित्र्याइएका समानहरू नियन्त्रणमा लिन चेकजाँच कार्य अझ कडाइका साथ अगाडि बढाइने जनाएको छ।
