बारामा प्रहरीले विशेष अभियान सञ्चालन गर्दै झण्डै ५ किलो गाँजासहित एक युवकलाई पक्राउ गरेको छ।
जितपुरसिमरा उपमहानगरपालिका–१, पूर्वटोलमा आज बिहान विशेष चेकजाँचका क्रममा गाँजा बरामद भएको हो। पक्राउ पर्नेमा जितपुरसिमरा–११, खेस्रोल निवासी २० वर्षीय मुना यादव रहेका छन्।
ईलाका प्रहरी कार्यालय सिमराबाट खटिएको टोलीले साढे ७ बजे पथलैयाबाट जैतापुरतर्फ गइरहेको बीआर–०५ एम ७७१८ नम्बरको भारतीय मोटरसाइकल जाँच गर्ने क्रममा ट्याङ्की मुनि बनाइएको विशेष ‘फल्स बटम’ भित्र लुकाइ ल्याइएको अवस्थामा गाँजा फेला पारेको हो।
प्रहरी टोलीको नेतृत्व असई राजहरण यादवले गर्नुभएको थियो। जिल्ला प्रहरी प्रमुख एसपी सन्तोष कुमार तामाङका अनुसार, बरामद गाँजासहित मुना यादवलाई नियन्त्रणमा लिएर थप अनुसन्धान भइरहेको छ।
