हालै पर्साबाट गृहमन्त्रालयमा सरुवा भएका प्रमुख जिल्ला अधिकारी (सीडीओ) गणेश अर्याललाई गृहमन्त्रालयले चितवन पठाएको छ।
गृहमन्त्रालयले बुधबार चितवनमा अर्याललाई र भोजपुरका सीडीओमा शिवलाल तिवारीलाई नियुक्त गरेको हो।
यसअघि भदौ ४ गतेको निर्णयअनुसार, अर्यालसहित २४ जिल्लाका सीडीओहरूको सरुवा गरिएको थियो। त्यतिबेला चितवनमा भने सीडीओ पद रिक्त राखिएको थियो।
रुपन्देहीबाट सरुवा भई २०८१ कार्तिक १२ गते पर्सा आएका अर्याललाई भदौ ४ गते मन्त्रालयमा फिर्ता बोलाइएको थियो। सोही सरुवाअनुसार पर्सामा पाल्पाका सीडीओ तोयनारायण सुवेदीलाई पठाइएको छ।
