नेपाल र बङ्गलादेशबीचको पहिलो मैत्रीपूर्ण फुटबल खेल बराबरीमा टुंगिएको छ। काठमाण्डौको दशरथ रङ्गशालामा भएको खेलमा दुवै टोलीले गोल गर्न नसकेपछि खेल गोलरहित बराबरीमा सकिएको हो।
अब दुबै टोलीबीच अर्को मैत्रीपूर्ण खेल पर्सि मंगलबार हुने भएको छ। सो खेलको विजेता टोलीले ट्रफी र पदक प्राप्त गर्नेछ।
खेल हेर्न प्रवेश शुल्क सामान्य पारापिटका लागि पाँच सय र भीआईपी पारापिटका लागि एक हजार रुपैयाँ तोकिएको आयोजकले जनाएको छ।
