खानेपानीमन्त्री प्रदीप यादवले पदबाट राजीनामा दिनुभएको छ। जेनजी युवाको आन्दोलनका क्रममा १९ जनाको मृत्यु भएपछि सरकारमा बस्न उपयुक्त नहुने भन्दै उहाँले राजीनामा दिनुभएको हो।
यादवले सामाजिक सञ्जालमार्फत आफूले आन्दोलनको समर्थन र दमनको विरोधस्वरूप राजीनामा दिएको जानकारी दिनुभएको छ। उहाँले संयमता अपनाउन र युवा पुस्तालाई सहि मार्गदर्शन गर्न सबैसँग अपिल समेत गर्नुभएको छ।
