भदौ २४ गतेको आन्दोलनका क्रममा वीरगन्जको घण्टाघरस्थित नेपाल टेलिकम कार्यालय तोडफोड र आगजनीको पहिलो निशाना बनेको छ ।
नेपाल टेलिकम वीरगन्जका प्रमुख पङ्कज साहका अनुसार अराजक समूहले कम्प्युटर, प्रिन्टरलगायतका उपकरणमा क्षति पु¥याउँदै करिब रु तीन करोड बराबरको नोक्सानी गरेको छ । उनले भने, “प्रदर्शनकारीले दुवै टेलिकम कार्यालयमा आगजनी गरेका छन् । आगजनीबाट महसुल काउन्टरमा ठूलो क्षति भएको छ ।”
पर्साका प्रमुख जिल्ला अधिकारी तोयनारायण सुवेदीले सरकारी कार्यालयमा भएको तोडफोड तथा क्षतिको पारदर्शी मुचुल्का तयार गर्न निर्देशन दिएका छन् । उनका अनुसार मुचुल्का तयार पार्दा श्रव्य–दृश्य प्रमाणसहित यथार्थपरक विवरण राख्नुपर्नेछ ।
आन्दोलनका क्रममा वीरगन्ज महानगर र आन्तरिक राजस्व कार्यालयसहित अन्य सरकारी निकायमा पनि ठूलो क्षति भएको छ ।
