मधेशको मिथिला क्षेत्रमा विजयादशमीका दिन आज रावण वध उत्सव मनाइँदैछ।
महोत्तरीको मटिहानीमा विशेषगरी यो परम्परा दीर्घकालदेखि चलिआएको छ। मिथिलावासीका ज्वाइँका रूपमा मानिने भगवान् श्रीरामले असुर रावणको वध गर्नुभएको स्मरणमा विजयादशमीकै दिन प्रतिकात्मक रूपमा यो उत्सव आयोजना गरिन्छ।
परम्पराअनुसार बेलुकी रावणको दश टाउको भएको प्रतिमालाई श्रीरामले प्रहार गरेको तीरले शिरच्छेद गरिएको दृश्य प्रस्तुत गरिन्छ। त्यसपछि जनसमुदायले विजय उत्सवका रूपमा रमाइलो गर्ने गर्छन्।
मटिहानीमा वध गरिएको रावणको प्रतिमा भोलिपल्ट बाजागाजासहित जलाशयमा पु¥याइ गहिरो पानीमा विसर्जन गर्ने परम्परा पनि रहिआएको छ।
धार्मिक–सांस्कृतिक महत्व बोकेको यो उत्सव देवी विसर्जनसँगै मिथिलामा विजयादशमीको विशेष आकर्षणका रूपमा मनाइन्छ।
