महोत्तरीमा आज बिहान भएको बस दुर्घटनामा दुई जनाको ज्यान गएको छ।
घारीबथानबाट खैरमारा हुँदै काठमाडौँतर्फ जाँदै गरेको बस खैयरमारा स्कुल अगाडि पैदलयात्रुलाई बचाउन खोज्दा अनियन्त्रित भई दुर्घटनाग्रस्त भएको प्रहरीले जनाएको छ।
दुर्घटनामा परेर स्थानीय बासिन्दा चुल्हाइ चौधरीको घटनास्थलमै मृत्यु भएको छ भने बसका यात्रु सर्लाहीको इश्वरपुरका १२ वर्षीय प्रविण खड्काको उपचारका क्रममा मृत्यु भएको हो।
बसमा रहेका करिब २० भन्दा बढी यात्रु घाइते भएका छन्। तीमध्ये केहीको अवस्था गम्भीर रहेको जिल्ला प्रहरी कार्यालयले जनाएको छ।
