बाढी पूर्वानुमान महाशाखाले आज कोशी, मधेश, बागमती, गण्डकी र लुम्बिनी प्रदेशका विभिन्न नदी–खोलामा बाढीको जोखिम रहेको जनाएको छ।
महाशाखाका अनुसार ताप्लेजुङ, संखुवासभा, सोलुखुम्बु, तेह्रथुम, पाँचथर, ओखलढुङ्गा, खोटाङ, धनकुटा, इलाम र मोरङ जिल्लाका नदी–खोलामा मध्यम स्तरको बाढी जोखिम देखिएको छ।
त्यस्तै सुनसरी, उदयपुर, पर्सा, बारा, रौतहट, सर्लाही, धनुषा, महोत्तरी, सिराहा, सप्तरी, सिन्धुली, काभ्रे, ललितपुर, भक्तपुर, मकवानपुर, चितवन, नवलपरासी पूर्व–पश्चिम, रुपन्देही र कपिलवस्तुका आसपासका नदी–खोलामा पनि जोखिम कायम रहेको महाशाखाले जनाएको छ।
महाशाखाले विशेषगरी कोशी, मधेश र बागमती प्रदेशका नदीहरूको वहाव बढ्ने सम्भावना रहेको उल्लेख गर्दै स्थानीयवासी र सरोकारवाला निकायलाई उच्च सतर्कता अपनाउन आग्रह गरेको छ।
महाशाखाका अनुसार बाढीको जोखिम शनिबारदेखि क्रमशः घट्दै जाने अनुमान गरिएको छ।
