चर्चित निर्देशक एसएस राजामौलीको निर्देशनमा बन्न लागेको फिल्म ‘एसएसएमबी २९: ग्लोब ट्रोटर’ बाट अभिनेत्री प्रियंका चोपडा जोनसको फर्स्टलुक सार्वजनिक भएको छ। फिल्ममा प्रियंका ‘मन्दाकिनी’को भूमिकामा देखिनेछन्।
निर्माण पक्षले बिहीबार बिहान सार्वजनिक गरेको फर्स्टलुकमा प्रियंका पहेँलो सारीमा पेस्तोल बोकेर आतंकसँग लडिरहेको दृश्यमा प्रस्तुत छन् । सामाजिक सञ्जालमा पोस्टर सार्वजनिक भएपछि प्रशंसकहरूले प्रियंकाले सारीमा एक्सनलाई नयाँ परिभाषा दिएको भन्दै प्रतिक्रिया दिएका छन् ।
फिल्ममा साउथ स्टार महेश बाबु मुख्य भूमिकामा छन्। निर्माण पक्षले फिल्मको टाइटल लन्च नोभेम्बर १५, २०२५ मा गर्ने जानकारी दिएको छ । यसअघि फिल्मले पृथ्वीराज सुकुमारनको फर्स्टलुक पोस्टर पनि सार्वजनिक गरेको थियो, जसमा उनी मुख्य खलनायक ‘कुम्भ’ को रूपमा प्रस्तुत छन् ।
फिल्म अफ्रिकी लोककथाबाट प्रेरित साहसिक कथा हुनेछ। छायांकन २०२६ को अन्त्यसम्म पूरा हुने र प्रदर्शन २०२७ मा हुने अपेक्षा गरिएको छ ।
