अमेरिकाको रोड आइल्याण्ड राज्यस्थित ब्राउन विश्वविद्यालयमा गोली चल्दा दुई जनाको मृत्यु भएको छ भने नौ जना गम्भीर घाइते भएका छन्। घाइते सबै विद्यार्थी रहेको र उनीहरूको अस्पतालमा उपचार भइरहेको बीबीसीले जनाएको छ।
घटना विश्वविद्यालयको एक भवनको पहिलो तल्लामा रहेको कक्षाकोठामा भएको हो। गोलीकाण्डपछि विश्वविद्यालय आसपासको क्षेत्र सिल गरिएको छ। प्रहरीले गोली चलाउने व्यक्ति पैदलै फरार भएको र खोजी तीव्र पारिएको जनाएको छ।
घटनाप्रति अमेरिकी राष्ट्रपति डोनाल्ड ट्रम्पले दुःख व्यक्त गरेका छन्। पछिल्लो घटनासँगै सन् २०२५ मा अमेरिकामा भएका सामूहिक गोली प्रहारका घटनाको संख्या ३८९ पुगेको छ।
