बढ्दो चिसोलाई मध्यनजर गर्दै वीरगञ्ज महानगरपालिकाले महानगरभित्रका सबै सामुदायिक तथा संस्थागत विद्यालयमा तीन दिनको जाडो बिदा दिएको छ ।
महानगरपालिकाका अनुसार सोमबारदेखि पुस ७ गतेदेखि पुस ९ गतेसम्म वर्षे बिदाबाट कट्टा हुने गरी विद्यालय सञ्चालन नहुनेछ ।
तराई–मधेस क्षेत्रमा पछिल्लो एक सातादेखि हुस्सु र चिसो हावा तीव्र बन्दै गएपछि जनजीवन प्रभावित भएको छ । चिसोले बालबालिका, ज्येष्ठ नागरिक तथा दैनिक ज्यालामा काम गर्ने श्रमिकहरूलाई बढी असर पारेको छ ।
