काठमाडौं । निर्वाचन आयोग ले राष्ट्रपति रामचन्द्र पौडेल समक्ष निर्वाचनको मतपरिणामसहितको प्रतिवेदन पेस गरेको छ ।
बिहीबार आयोगका कार्यवाहक प्रमुख निर्वाचन आयुक्त रामप्रसाद भण्डारी, आयुक्तहरू डा. जानकीकुमारी तुलाधर र सगुनशम्शेर जबरा तथा आयोगका सचिव कृष्णबहादुर राउत सहितको टोलीले राष्ट्रपति कार्यालय पुगेर प्रतिवेदन बुझाएका हुन् ।
आयोगले प्रतिवेदन बुझाएसँगै संसद् अधिवेशन आह्वान गर्ने र नयाँ सरकार गठन प्रक्रिया अघि बढ्ने बाटो खुलेको छ ।
प्रतिवेदन अध्ययनपछि राष्ट्रपति पौडेलले संवैधानिक प्रक्रिया अनुसार आगामी कदम चाल्ने अपेक्षा गरिएको छ ।
