रौतहट – एसईई परीक्षामा प्रश्नपत्र आउट गरी चिट चोराएको आरोपमा रौतहटमा तीन जना पक्राउ परेका छन्।
पक्राउ पर्नेमा रौतहटको गरुडा नगरपालिका–७ का १८ वर्षीय चन्दन पटेल, वृन्दावन नगरपालिका–७ का २० वर्षीय रोहितकुमार पटेल र सर्लाहीको बलरा नगरपालिका–८ का १८ वर्षीय धीरज साह रहेका छन्।
उनीहरूले शुक्रबार नेपाली विषयको परीक्षामा प्रश्नपत्र बाहिर निकालेर चिट तयार गरी प्रयोग गरेको आरोप रहेको प्रहरीले जनाएको छ।
घटनाबारे इलाका प्रहरी कार्यालय गरुडाले थप अनुसन्धान अघि बढाएको जनाएको छ।
