पर्सा । रामनिवास पटेल । पर्साको छिपहरमाई गाउँपालिकामा अस्लील भिडियो बनाएको आरोपमा प्रहरीले एक जनालाई पक्राउ गरको छ । पक्राउ पर्नेमा छिपहरमाई गाउँपालिका वडा नं.५ निवासी सज्जाद अहमद रहेका छन् ।
स्थानीयहरुले अहमदले गाउाँपलिका क्षेत्र भित्रका सयौको संख्यामा स्कुल पढ़ने बालिका देखि गाउँका महिलाहरुको अश्लील भिडियो बनाएको भन्दै प्रहरीलाई जिम्मा लगाएका हन् ।
प्रहरीले उनको साथबाट एक थान मोबाइल र २ थान पेनड्राइव बरामद गरेको छ । बैदेशिक रोजगारमा रहेका अहम्मद नेपाल फर्किएपछि यस्तो गतिविधिमा लागेको स्थानयिहरुको आरोप छ । दोषीलाई कानुन अनुसार कारबाही गर्नु पर्ने भन्दै स्थानीय युवाहरुले टायर बालेर प्रर्दशन गर्नुका साथै बजार बन्द गराएका छन् ।
