वीरगन्ज । अहिले देशभर मौसम बदली भएको छ । मधेश प्रदेशका केही स्थानमा भने वर्षा पनि भएको छ ।
यस्तो अवस्था भोलिसम्म रहने सम्भावना रहेको जल तथा मौसम विज्ञान विभागको मौसम पूर्वानुमान महाशाखाले जनाएको छ । हाल नेपालमा पश्चिमी न्यून चापीय प्रणाली र स्थानीय वायुको आंशिक प्रभाव छ । यो प्रभाव पूर्वी नेपालमा बढी र पश्चिम नेपालमा कम छ ।
मौसम पूर्वानुमान महाशाखाका मौसमविद का अनुसार आज पश्चिमी न्यून चापीय प्रणाली र स्थानीय वायुको मिश्रति प्रभावले कोशी र मधेशका अधिकांश स्थानमा हल्का खालको वर्षा भइरहेको छ । एक-दुई स्थानमा मध्यम खालको वर्षा पनि भइरहेको बताइएको छ ।
