भारतबाट तस्करी गरेर ल्याई बाराकाे सीमावर्ती क्षेत्रकाे एक राइस मिलमा भण्डारण गरि राखिएको ठूलाे परिमाणकाे प्याज प्रहरीले बरामद गरेकाे छ।
विशेष सुचनाकाे आधारमा मंगलबार ईलाका प्रहरी कार्यालय प्रसाैनी र छतवाबाट खटिएको प्रहरी टाेलीले ९० बाेरा प्याज बरामद गरेको हाे।बाराकाे विश्रामपुर गाँउपालिका वडा नम्बर २ कान्तिपुरस्थित कायख राईस मिलभित्र अवैध रुपमा भण्डारणा गरेर राखिएको ९० बाेरा प्याज बरामद गरिएको बाराका प्रहरी प्रवक्ता प्रहरी नायब उपरीक्षक दधिराम न्याैपानेले जानकारी दिए।
बरामद प्याजकाे बजार मूल्य अन्दाजी १ लाख ५० हजार रुपैयाँ रहेकाेपनि उनले बताए ।बरामद प्याज जिल्ला प्रहरी कार्यालयमा ल्याएर आवश्यक कानुनी प्रकृया अगाडि बढाइएको उनले जानकारी दिए।
