Aadarsh-Daily

स्वास्थ्य तथा जनसङ्ख्या मन्त्री यादवद्वारा स्वास्थ्य मन्त्रालयको कार्यालयमै अनुगमन

ad-4p

काठमाडौँ । स्वास्थ्य तथा जनसङ्ख्या मन्त्री प्रदीप यादवले स्वास्थ्य मन्त्रालयको कार्यालयमै अनुगमन गर्नुभएको छ । मन्त्री यादवले आइतबार सवा १० बजे तिर कार्यालयअन्तर्गत रहेका विभिन्न महाशाखा, शाखा र फाँटहरूको छड्के अनुगमन गर्दै कर्मचारीहरूको समयमा उपस्थित भएर काम गरे नगरेको विषयमा जानकारी लिनुभएको हो ।

content ad p2
content left

अनुगमनका क्रममा मन्त्री यादवले कर्मचारीहरूसँग छलफल पनि गर्नुभयो । कर्मचारीहरूले गर्ने काम कारबाही लगायतका गतिविधिसँगै योजनाहरूको प्रगतिको विवरण लिनुका साथै कार्यान्वयनका क्रममा आएका समस्याको बारेमा समेत जानकारी लिनुभयो ।

त्यस्तै उहाँले कर्मचारीहरूले कार्यालयमा काम गर्ने समयमा आएका अप्ठ्यारा र व्यक्तिगत समस्याका बारेमा समेत जानकारी लिनुभयो । ‘मातहतका अन्य विभाग र संस्थाहरू अनुगमन गर्नुका साथै आफै बसेर काम गर्ने कार्यालयको बारेमा पनि अपडेट राखौँ भनेर आज अनुगमन गरेको हुँ,’ मन्त्री यादवले भन्नुभयो, ‘अनुगमनसँगै कर्मचारीहरूसँग चिनजान हुनुका साथै छलफल गर्ने अवसर पनि मिल्यो ।’

कार्यालय अनुगमन गर्नुको उद्देश्य कर्मचारीहरूसँग व्यक्तिगत सम्बन्ध स्थापित गर्नु पनि रहेको मन्त्री यादवले बताउनुभयो । मन्त्री यादवले कार्यालय समयमा उपस्थित नभएका कर्मचारीहरूको बारेमा समेत जानकारी लिनुभएको उहाँको सचिवालयले जनाएको छ । समयमा नआउने र आएर पनि गयल हुने कर्मचारीहरूलाई तत्कालै कारबाही गर्न उहाँले निर्देशन समेत दिनुभएको थियो ।

सम्बन्धित खबर

पोखरिया नगरपालिकामा तलबको सकस, महिनौँदेखि कर्मचारीको हात रित्तै

Aadarsh Daily

चक्रवातको प्रभावले भारी वर्षाको सम्भावना, पर्सामा उच्च सतर्कता अपनाउन प्रशासनको आग्रह

Aadarsh Daily

एनपीएलमा लुम्बिनीको धमाका, सुदूरपश्चिम ७ विकेटले पराजित

Aadarsh Daily