पर्साको बहुदरमाई नगरपालिकाका शिक्षक र कर्मचारीहरु अहिले ठुलो आर्थिक सङ्कटको सामना गरिरहेका छन ।
जनप्रतिनिधिको हठका कारण आर्थिक संकटबाट शिक्षकहरु नराम्रोसंग प्रताडित भईरहेको समाचार प्रकाशन भएको हो ।
आर्थिक सुरु भएको झन्डै ७ महिनामा समेत आफ्ना तलब भत्ता नपाएका बहुदरमाई नगरपालिकाका सामुदायिक शिक्षण संस्थामा कार्यरत शिक्षक र कर्मचारी अब बाध्य भएर आन्दोलनको घोषणा गरेको हो ।
शिक्षक महासंघ पर्साले आज एउटा प्रेस विज्ञप्ति जारि गर्दै आन्दोलनको घोषणा गरेको हो । जस अनुसार पुष २ गते अर्थात आजदेखि पुष ४ गतेसम्म दिफिन पछीको कक्षा बहिस्कार गर्ने निर्णय गरेको छ ।
त्यसले समेत समस्याको समाधान भएन भने पुष ६ गते आईतबारको दिन नगरभित्रको सम्पूर्ण सामुदायिक शिक्षण संस्था बन्द गरेर साँचो पर्साका प्रमुख जिल्ला अधिकारिलाई बुझाउने नेपाल शिक्षक महासंघ पर्साका अध्यक्ष तिर्थराज यादवले आज जारि गर्नुभएको विज्ञप्तिमा उल्लेख गरिएको छ ।
अहिले तलब भत्ता नपाएर शिक्षक तथा कर्मचारीहरुलाई दैनिक चलाउन गाह्रो भएको छ भने कतिपय शिक्षकहरुले बैंकबाट लिएको ऋण तिर्न नसकेर जग्गा जमिन लिलाम हुने अवस्थामा पुगेको छ ।
आफ्ना छोराछोरीका पढाई खर्च व्यवस्थापन हुन नसकेपछि उनीहरुको छोराछोरी अब पढाईबाट बन्चित हुन् लागेका छन भने औषधिउपचारमा समेत कठिनाई भएको नेपाल शिक्षक महासंघ पर्साले जनाएको छ ।
