आज आईतबारदेखि पर्साको ४ वटा ठाउँबाट राष्ट्रिय परिचयपत्र सम्बन्धि विवरण संकलन भईरहेको छ । जिल्ला प्रशासन कार्यालयका वीरगंज , ईलाका प्रशासन कार्यालय सुपौली , वीरगंज महानगरपालिकाको कार्यलय र पोखरिया नगरपालिकाको कार्यलयबाट आजदेखि राष्ट्रिय परिचयपत्र सम्बन्धि विवरण संकल भईरहेको हो ।
जिल्ला प्रशासन कार्यालय पर्साबाट बहुदरमाई नगरपलिका , पर्सागढी नगरपालिका , विन्दवासिनी गाउँपालिका , सखुवा प्रसौनी गाउँपालिकाका सेवाग्राको विवरण संकलन भईरहेको छ भने ईलाका प्रशासान कार्यालय सुपौलीबाट जिराभवानी गाउँपालिका , ठोरी गाउँपालिका , जगरनाथपुर गाउँपालिका, र पटेर्वा सुगौली गाउँपालिकाका सेवाग्राहीको विवरण संकलन हुदै छ ।
यसैगरी वीरगंज महानगरपालिकाबाट वीरगंजका सबै ३२ वटा वडाका सेवाग्राहीका विवरण संकलन भईरहेको छ भने पोखरिया नगरपलिकाको कार्यालयबाट पोखरिया नगरपालिका , छिपहरमाई गाउँपालिका , पकहाँ मैनपुर गाउँपालिका , धोबिनी गाउँपालिका र कालिकामाई गाउँपालिकाका सेवाग्राहीको विवरण संकलन भईरहेको हो ।
