बाराको कलैया उपमहानगरपालिका–१० मटिअर्वा बस्ने मुलादिन मियाँका ३५ वर्षीय छोरा बच्चा मियाँले आफ्नै श्रीमती २३ वर्षीया सहिना खातुनको दाउ प्रहार गरी हत्या गरेका छन्।
घटना आज बिहान भएको बताइएको छ। प्रहरीका अनुसार घरेलु विवादपछि बच्चा मियाँले दाउ प्रहार गर्दा सहिना खातुनको घटनास्थलमै मृत्यु भएको हो। हत्या लगत्तै स्थानीयले प्रहरीलाई खबर गरेका थिए।
हाल घटना स्थलमा प्रहरी टोली खटिएको छ र मुचुल्का उठाउने तथा प्रारम्भिक अनुसन्धानको काम भइरहेको जिल्ला प्रहरी कार्यालय बाराले जनाएको छ। आरोपी बच्चा मियाँलाई नियन्त्रणमा लिएको वा फरार रहेकोबारे जानकारी सार्वजनिक गरिएको छैन। घटनाको थप विवरण आउन बाँकी छ।
