Aadarsh-Daily

बाराबाट फरार रहेका ४ जना अभियुक्त पक्राउ

ad-4p

लामो समयदेखि विभिन्न आपराधिक मुद्दामा फरार रहेका चार जना अभियुक्तलाई बाराबाट प्रहरीले पक्राउ गरेको छ । जिल्ला प्रहरी कार्यालय बाराबाट खटिएको विशेष टोलीले विभिन्न स्थानबाट उनीहरूलाई पक्राउ गरी सार्वजनिक गरेको हो ।

content ad p2

जिल्ला प्रहरी कार्यालय बाराद्वारा जारी प्रेस विज्ञप्तिअनुसार पक्राउ पर्नेहरूमा कलैया उपमहानगरपालिका–३, सुभाषनगरका ५५ वर्षीय मोहन पासवान, कलैया–१२ का ५५ वर्षीय जयसवाल गिरी, परवानीपुर गाउँपालिका–२ का २८ वर्षीय रवि कुमार गोंड र कलैया–३ का ३५ वर्षीय कालु चौधरी मगर उर्फ मुन्ना मगर रहेका छन् ।

content left

उनीहरूमाथि लागु औषध कारोबार र जबरजस्ती करणी जस्ता मुद्दामा संलग्न रहेको आरोप छ । यिनलाई सम्बन्धित इलाकाबाट पक्राउ गरी आवश्यक कानुनी प्रक्रिया अघि बढाइएको प्रहरीले जनाएको छ ।

प्रवक्ता तथा प्रहरी नायब उपरीक्षक (प्र.ना.उ.) विजयराज पण्डितका अनुसार फरार अभियुक्तहरूलाई खोजी गर्न प्रहरी कार्यालय बाराले विशेष निगरानी राख्दै आएको थियो । उनले भने, “समाजमा शान्ति सुरक्षा कायम गर्न र अपराध नियन्त्रण गर्न यस्ता अपराधीलाई नियन्त्रणमा लिने कार्यलाई अझ तीव्र बनाइनेछ ।”

पक्राउ परेका अभियुक्तहरूलाई जिल्ला अदालत बाराले सम्बन्धित मितिमा पक्राउ पुर्जी जारी गरेको थियो । उनीहरूमाथि अब अदालतको प्रक्रिया अनुसार कारबाही अघि बढाइने प्रहरीले जनाएको छ ।

सम्बन्धित खबर

पोखरिया नगरपालिकामा तलबको सकस, महिनौँदेखि कर्मचारीको हात रित्तै

Aadarsh Daily

एनपीएलमा लुम्बिनीको धमाका, सुदूरपश्चिम ७ विकेटले पराजित

Aadarsh Daily

एनपीएलको तेस्रो संस्करण आजदेखि, उपाधिका लागि आठ टोली मैदानमा उत्रिँदै

Aadarsh Daily