बाराको जीतपुर सिमरा उपमहानगरपालिका–९ स्थित नारायणी स्पार्क प्रालिमा क्रेन अपरेटरको रूपमा कार्यरत एक मजदुरको क्रेनको फलामले लागेर ज्यान गएको छ।
जिल्ला प्रहरी कार्यालय बाराका प्रहरी निरीक्षक खेम नेपालका अनुसार भारत उत्तर प्रदेश, ननौरा बलियाका ५३ वर्षीय रामभवन यादव क्रेनबाट फलाम उठाउने क्रममा फलाम आफैँलाई लाग्दा गम्भीर घाइते भएका थिए।
टाउकोमा गम्भीर चोट लागेका यादवको वीरगञ्जस्थित नारायणी अस्पतालमा उपचारका क्रममा मृत्यु भएको हो।
घटनाबारे थप अनुसन्धान भइरहेको प्रहरीले जनाएको छ।
