Aadarsh-Daily

वाम एकताको चर्चा तातियो, तर दलभित्रै सुधारको माग बलियो

ad-4p

काठमाडौं : प्रतिनिधि सभा निर्वाचनमा अपेक्षाकृत कमजोर प्रदर्शनपछि वामपन्थी दलहरूबीच पुनः एकताको चर्चा सुरु भएको छ। विशेषगरी नेकपा एमाले र नेपाल कम्युनिस्ट पार्टी (नेकपा)बीच एकताको सम्भावनाबारे राजनीतिक वृत्तमा बहस चुलिएको हो। तर दुवै दलका नेताहरूले तत्काल एकता भन्दा पनि आन्तरिक सुधार र पुनर्गठनलाई प्राथमिकता दिनुपर्ने बताएका छन्।

content ad p2

एमाले उपाध्यक्ष विष्णुप्रसाद पौडेल ले निर्वाचनको समीक्षा र पार्टी पुनर्गठनलाई ओझेलमा पार्न वाम एकताको चर्चा चलाइएको टिप्पणी गरेका छन्। उनले अहिलेको मुख्य कार्यसूची पार्टीलाई सुदृढ बनाउनु रहेको स्पष्ट पारे।

यस्तै नेता सुरेन्द्र पाण्डे र प्रदीप ज्ञवाली ले पनि स्पष्ट विचार र सिद्धान्तबिना गरिने एकता दीर्घकालीन नहुने बताएका छन्। उनीहरूले विगतमा पदका लागि गरिएको एकताले समस्या समाधान नगरेको अनुभव दोहोर्‍याउन नहुने धारणा राखेका छन्।

content left

एमालेभित्र तल्लो तहसम्म पनि यही बहस फैलिएको छ। केन्द्रीय सदस्य विष्णु रिजाल ले अहिलेको प्राथमिकता पराजयको समीक्षा र सुधार हुनुपर्ने बताउँदै हतारमा गरिने एकताले समस्या झन् बढाउन सक्ने चेतावनी दिए।

उता नेकपाभित्र पनि वाम एकताबारे मतैक्य देखिएको छैन। अध्यक्ष पुष्पकमल दाहाल ले प्रस्तुत गरेको दस्तावेजमा वाम शक्तिहरू विभाजित हुँदा चुनावी क्षति भएको उल्लेख गरिए पनि नेताहरूले स्पष्ट आधारबिना एकता सम्भव नरहेको बताएका छन्।

हालै केपी शर्मा ओली र प्रचण्डबीच भएको भेटपछि एकताको चर्चा थप चुलिएको भए पनि दुवै पक्षले तत्काल त्यस्तो कुनै ठोस छलफल नभएको बताएका छन्।

दुवै दलभित्र केही नेताहरू भने वाम एकताको पक्षमा देखिएका छन्। तर अधिकांश नेताहरूले पहिले पार्टीभित्रकै समस्या समाधान, समीक्षा र स्पष्ट वैचारिक आधार तयार नगरी एकतामा जानु उचित नहुनेमा जोड दिएका छन्।

यसरी, वाम एकताको चर्चा राजनीतिक वृत्तमा ताते पनि व्यवहारिक रूपमा भने दलहरू अझै आन्तरिक सुधारकै चरणमा केन्द्रित देखिएका छन्।

सम्बन्धित खबर

पोखरिया नगरपालिकामा तलबको सकस, महिनौँदेखि कर्मचारीको हात रित्तै

Aadarsh Daily

एनपीएलमा लुम्बिनीको धमाका, सुदूरपश्चिम ७ विकेटले पराजित

Aadarsh Daily

एनपीएलको तेस्रो संस्करण आजदेखि, उपाधिका लागि आठ टोली मैदानमा उत्रिँदै

Aadarsh Daily