सिरहा । सिरहाबाट लागूऔषध ब्राउनसुगरसहित दुई युवक पक्राउ परेका छन् । पक्राउ पर्नेमा सिरहाको मिर्चैया नगरपालिका ५ का १८ वर्षीय रुपेश पासवान र २४ वर्षीय कृष्णा कुमार यादव रहेको सिरहाका प्रहरी प्रवक्ता डिएसपी रविन्द्रराज पाण्डेले जानकारी दिए ।
उनका अनुसार दुबैजनाको साथबाट एक ग्राम ७२ मिलग्राम ब्राउनसुगर बरामद भएको छ । बुधबार अपराहन्न साढे ४ बजेको समयमा सिरहा नगरपालिका १७ माडर बसपार्कमा ईलाका प्रहरी कार्यालय माडरको टोलिले शंका लागेर चेकजाँच गर्दा दुबैजनालाई ब्राउनसुगरसहित पक्राउ गरेको हो ।
दुबैजनामाथि थप अनुसन्धान गरिरहेको जिल्ला प्रहरी कार्यालय सिरहाले जनाएको छ ।
