उत्तर प्रदेशका पूर्व मुख्यमन्त्री तथा समाजवादी पार्टीका संरक्षक मुलायम सिंह यादवको निधन भएको छ ।
सोमबार बिहान ८.१६ बजे यादवको निधन भएको उनका छोरा अखिलेश यादवले जानकारी दिएका छन् । उनी ८२ वर्षका थिए । मुलायम सिंह गुरुग्रामको मेदान्त अस्पतालमा भेन्टिलेटरमा थिए ।
गत आइतबारदेखि उनको अवस्था चिन्ताजनक रहेको थियो । मुलायम सिंह यादवको निधनपछि सपा कार्यकर्तामा शोकको लहर छाएको छ ।
पहलवान र शिक्षक रहेका मुलायमले लामो राजनीतिक पारी खेलेका छन् । उनी तीन पटक भारतको उत्तर प्रदेशको मुख्यमन्त्री बनेका थिए भने केन्द्रमा रक्षामन्त्री बनेका थिए ।
