वीरगञ्ज, ३१ असोज । सरकारले शताब्दीपुरुष सत्यमोहन जोशीको निधनको शोकमा भोलि (कात्तिक १ गते) देशभर सार्वजनिक बिदा दिएको छ । गृह मन्त्रालयले सोमवार विज्ञप्ति जारी गर्दै भोलि देशभर सार्वजनिक बिदा दिएको जानकारी दिएको हो ।
नेपाल सरकारको गृह मन्त्रालयका प्रवक्ता एवम् सहसचिव फणिन्द्रमणि पोखरेलले सोमवार एक सूचना जारी गर्दै भोली विदा दिएको जानकारी गराएका हुन् । उक्त सूचनाअनुसार भोली सार्वजनिक विदाका साथै भोली राष्ट्रिय झण्डा झुकाउने निर्णय पनि भएको छ ।
जोशीको आइतवार बिहान १०३ वर्षको उमेरमा ललितपुरमा निधन भएको थियो ।
