पर्सा क्षेत्र नम्बर २(क) मा एमाले-जसपा गठबन्धनले चुनावी प्रचार प्रसारलाई तिब्रता दिएको छ । मतदाताको गाऊ घरै पुगेर दुवै दलका उम्मेदवारले एमाले-जसपा गठबन्धनको पक्षमा मतदान गर्न आग्रह गरिरहेका छन् ।
पर्सा क्षेत्र नम्बर २ मा प्रतिनिधीसभा सदस्यमा जसपाका उम्मेदवार अधिवक्ता सुरेन्द्रर प्रसाद कुर्मी र २ को (क) मा प्रदेशसभा सदस्यको उम्मेदवार जसपाका रामनरेस प्रसाद यादव छन् ।
जसपा–एमाले गठबन्धनले पर्सा २ को (क) मा पर्ने पर्सागढी नगरपालिकाको ग्रामणि भेगका विभिन्न वडामा चुनावी छलफल तथा भेटघाट गरेको छ ।
यसैगरि बहुदरमाई न.पा को नगरदाहा ,गमरिया ,बहुअरि र पर्सागढी न.पा को कोईलाभार मा पुगेर समापन भएको थियो ।
प्रदेशसभा सदस्य उम्मेदवार रामनरेस प्रसाद यादव रहेको भेटघाट तथा छलफलका क्रममा स्थानीय मतदाताले दुवै उम्मेदवारलाई भव्य स्वागत गरेका थिए । मतदाताहरुले दुवै उम्मेदवार यस क्षेत्रको विकास र समृद्धिका लागि निरन्तर लागिपरेकाले यसपालि दुवै उम्मेदवारको जित सुनिश्चित भएको प्रतिक्रिया समेत जनाएका थिए ।
जसपाबाट प्रदेशसभा सदस्य उम्मेदवार रामनरेस प्रसाद यादवले पनि जसपा–एमाले गठबन्धनका उम्मेदवारलाई नै मत दिन आग्रह गरे ।
